Sunday, February 11, 2007






إبنــى العزيــز



عندما يحل اليوم الذى سترانى فيه عجوزاً ................ أرجو أن تتحلى بالصبر وتحاول فهمى



إذا إتسخت ثيابى أثناء تناوالى الطعام .... إذا لم أستطع أن أرتدى ملابسى بمفردى ...
تذكر الساعات التى قضيتها لأعلمك تلك الأشياء


إذا تحدثت إليك وكررت نفس الكلمات و نفس الحديث آلاف المرات ..... لا تضجر منى
لا تقاطعنى .... وأنصت إلى


عندما كنت صغيراً يا بنى , قرأت لك نفس القصه و الحدوته
إلى أن تنـــــــام


عندما لا أريد أن أستحم .. لا تعايرنى ولا تتسلط على
تذكر عندما كنت أطاردك وأعطيك الآف الأعذار لأدعوك للإستحمام



عندما ترانى لا أستطيع أن أجارى وأتعلم التكنولوجيا الحديثه ...
فقط ... إعطنى الوقت الكافى ... ولا تنظر إلى بإبتسامه ماكره وساخره


تذكر أننى الذى علمتك كيف تفعل أشياء كثيره ... كيف تأكل .. كيف ترتدى ملابسك .. كيف تستحم ... كيف تواجه الحياه


عندما أفقد ذاكرتى أو أتخبط فى حديثى ... إعطنى الوقت الكافى لأتذكر
و إذا لم أستطع .... لا تفقد أعصابك ... حتى ولو كان حديثى غير مهم ... فيجب أن تنصت إلىَ



إذا لم أرغب بالطعام .. لا ترغمنى عليه
عندما أجوع سوف آكله


عندما لا أستطيع السير بسبب قدمى المريضه



أعطنى يدك ... بنفس الحب و الطريقه التى فعلتها معك لتخطوا خطوتك الأولى


عندما يحين اليوم الذى أقول لك فيه إننى مشتاق للقاء الله ...
فلا تحزن ولا تبكى
فسوف تفهم فى يوم من الأيام



حاول أن تتفهم أن عمرى ألآن قد قارب على الإنتهاء



وفى يوم من الأيام سوف تكتشف أنه بالرغم من أخطائى فإننى كنت دائماً أريد أفضل الأشياء لك ... وقد حاولت أن أمهد لك جميع الطرق



ساعدنى على السير ... ساعدنى على تجاوز طريقى بالحب و الصبر ... مثلما فعلت معك دائماً
ساعدنى يا بنى على الوصول إلى النهايه بسلام ..


أتمنى أن لا تشعر بالحزن ولا حتى بالعجزحين تدنوا ساعتى
فيجب أن تكون بجانبى وبقربى ... وتحاول أن تحتوينى... مثلما فعلت معك عندما
بدأت الحياه


أحبك يا بنى العزيز



أبـــــوك



وبالوالدين أحساناً



وصلني هذا الميل من صديق و اظن انة بعثة لي بالذات بسبب انا و هو نعرفة و لا اريد الدخول في تفاصيلة او مناقشتة مع احد و لاكن الكلمات اثرت في عموما و بغض النظر اني لست كاتبها و لاكني ناقلها قررت ان انشرها حتي يتثني للجميع قرائتها و الاتعاظ منها ان اراد






Monday, February 05, 2007



اللـوغـــاريـتــم
صـرح السيد المهندس / أحمد المغربي وزير الأسكان عقب تشكيل الحكومة الثانية
للدكتور / أحمد نظيف في ديسمبر 2005 بأن الحكومة بصدد تنفيذ مشروع للشباب
تحت رعاية السيد رئيس الجمهورية و بتوجيهات منة طبعا الي اخر الديباجة اللي أنتوا عارفينها
مضمونها انهم لاحظوا اخيرا ان سن الجواز اتاخر لية للشباب و الشبات في مصر المحروسة
علشان اية بقي ؟ الشقق و البيوت غالية علي العيال فبالتالي سن الجواز بقي قرب علي سن العنوسة سواء للراجل او للبنت فمشكورين تبنوا موضوع او مشروع أسمة
ابـــنـــي بــيــتـــك
تابعت انا الموضوع و اندهشت و استغربت و برغم من اني مهندس من زمان واللوغاريتمات دي لعبتي معرفتش احل هذا اللوغاريتم و هو: شرط يكاد يكون من وضعة عبقري من عباقرة الحكومة الي مالهوش دعوة و لا يعرف حاجة عن الشباب او ظروفهم او دخلياتهم او هما بيطفحوا الدم طول الشهر علشان اخر الشهر يقبضوا كام ملطوش
الا يزيد دخل المواطن الاعزب علي 1000 جنية و لا يزيد الايراد الشهري للاسرة علي 1500 جنية
سؤال : هل ممكن ان يكون هناك شاب متوسط الدخل او من الكادحين و دخلة الف جنية من اساسة ( هي الناس دي موش عايشة معانا و لا اية ؟ و موش عارفة اباطرة مجلس الشعب من رجال الاعمال بيدوا مرتبات كام او حتي القطاعات الحكومية الي فاضلة و لسة ما اتباعتش بيقبضوا كام ؟) و لو افترضنا ان فية شاب بيقبض الف جنية شهريا ازاي يدفع مائة الف جنية ثمن الارض و يبني عليها فيلا
عجبتني قوي مشروع بناء الفيلا دي للشباب و محدودي الدخل ...يعني علشان ما تقولوش انهم حرمين شبابنا من حاجة ... حيسكنوا الشباب في فيلات اهم موش شقق ..... يعني هو عريان الي اسمها اية دي .... و يحب التقميص و يقول باب الخمارة فين ..؟
و الله الناس دي يا من كوكب تاني ... يا بيستعبطوا .. او بيستهبلوا ...او بقي عاملين تخصيص الارض و المشروع لناس تانية خالص غير شباب البلد
و يبقي و لا مدينتي مدينة عصرية او كومبوند من اللي موجودين في مدينة 6 اكتوبر
يعني بمعني اصح يسلموا الشباب الارض و يرجعوا يلموها تاني لصالح بعض من رجال الاعمال زي ما عملوا في الاراضي الزراعية المسلمة لشباب الخريجين و اشتراها منهم اباطرة تصدير الحاصلات الزراعية لتزيد من ثرواتهم و كفاية علي العيال تعريقهم في تمن الارض بباكو و لا اتنين يعني هما لاقين.. يبوسوا اديهم وش و ظهر

Sunday, February 04, 2007





تــــــــــــــــــاج





ايماء الي طلب العزيزة حفصة مرات ابني نيمو اني ارد علي الاسئلة الي بالكوا فيها دي و خوفا علي زعلها

امري لله


و اعتذر لها عن عدم الرد الفوري حيث ان النت كان بايظ عندي من كام يوم نتيجة للامطار الفظيعة بالاسكندرية

و لها تحياتي و سلامي



اية اللي حيحصل لايميلك لما تموت؟

و لا حاجة موش حيتفتح تاني و بعدين ما انا حكون موت خلاص و بتحاسب مين بقي حيهتم بية دة الواحد حيبقي مزنوق زنقة سودة في الحساب موش حيبقي عندة وقت يفكر غير في يا حيخش يمين و لا حينزل شمال


اديت الباس وورد لحد قبل كده؟

علي جثتي لية هو انا اهبل


لو اه كانت طبيعةعلاقتك بيه اية؟

انظر الاجابة في السطر الي فوق


اسمك؟

يــاســر


اسم الدلع المشهور في وسط اصحابك؟

و الله بيختلف من مجموعة اصدقاء الي مجموعة اخري - فية الي بسميني ياسو / اخرين بلوة / اخرين كارثة / احبهم دلع ابني لي حيث انة لا يتكلم بعد فبيقول ياي بدل من ياسر بس اكتر اسم دارج بين اصدقائي من ايم الدراسة هو بيكو


عمرك؟

مواليد 1968 احسبوها انتوا بقي بلا خنقة داخل علي ال 40 يعني


برجك؟

هممم اية موش باين عليا دة الادب ياسر و الاخلاق ياسر و عدم المشي البطال ياسر

عموما هو العذراء بس محدش يقول لامي لا تصوت و تقول عذراء طيب جاب الواد من فين


مجالك او مجال دراستك ؟

مهندس ميكانيكا باور


شخصيتك نوعها اية؟

و المصحف ما اعرف ارد علي هذا السؤال بس اظن هادي و مفتري و جبار و متقلب المزاج بس بفرق بين كل حالة و حالة ازاي محدش يسالني ...زود علي دول نرجسي برجوازي


السفر بالنسبة لك؟

عادي طول عمري متشحطط سفر ما بين شغل و مصالح داخليا و خارجيا لدرجة اني مليتة نفسي بقي اتنيل اركز في حتة بس عموما في السفر سبع فوائد و انا استنفزتهم خلاص


المود بتاعك؟

مالة المود بتاعي يعني عادي زي اي حد لو مبسوط ببقي مبسوط و لو متعكنن ببقي نكدي عاوز ضرب ابو وردة


وقت فراغك بتعمل فيه اية؟

لا عيب كدة دي اسئلة فضيحة مقدرش ارد طبعا ال وقت فراغك ال انتوا عاوزيني اسيح لنفسي و لا اية ؟؟؟ موش رادد طبعا


الاكلة المفضلة؟

اي حاجة فيها لحمة و ماتكونش فيها خضروات يعني سمك جمبري سبيط شغال لحمة فراخ حمام دايس منبار كوارع استاذ بيتزا و مكرونات ياعيني مع شمعتين بقي و كبايتين عناب يبقي يا مزاجة


الصفات اللي خدتها من ماما؟

الكلاسيكية و الارستقراطية


الصفات اللي خدتها من بابا؟

ابن البلد بس بدون ان تتعدي حدودك معايا أو ان تتعدي المنطقة المحرمة - الجبروت - العمل لدرجة الافتري علي نفسي و علي العمال التنظيم السمعة الطيبة دي جتلي علي الجاهز بحكم اني ابنة فالناس مخمومة فيا فاكرني زية ... ترتيب الافكار التفكير قبل الحديث الصمت و اهمهم شرب القهوة و السيجار


اكتر 6 حاجات بتكرهها؟

الهبل و العبط و الغش و الاستهبال و الاستغباءو الاستعباط و الكذب و الضحك علي الدقون و المحلسة و النفاق و الرياء و خيانة الاصدقاء


اكتر 6 حاجات بتحبها؟

أبني و أسرتي و اصدقائيو عمالي و موظفيني دول برة اي حب دول علي جنب لوحديهم

الشغل و الغطس و الصيد البحري و بالبندقية الخرطوش الخيل الشطرنج السهر و الحريم محدش يكرة الحريم دول نعمة و الي يكرهم يعمي


الشغل بالنسبة لك؟

حياتي انا اعمل اذن انا منتج اذن موش عالة اذن انا موجود و استاهل اني اكون موجود موش كمالة عدد علي تعداد العالم


اية الكومبيوتر والانترنت بالنسبة لك؟

و الله هو طبعا حاجة مهمة قوي اولا بيوفر الوقت و الفلوس في فاكسات و سيرش و اتصال بالعالم الخارجي و الاطلاع علي كل ما هو جديد

بالنسبة ليكم همزة وصل بيني و بينكم كاصدقاء يعني مخليني في اتصال شبة يومي مع اسرتي و اصدقائي في الخارج موفرلي الدولي

ساعات بيرمي حاجات حلوة من حيث التاء المربوطة هاهاها في الام اس ان او الشات بمعني اصح

وفرلي تمن الجرايد