يبقى انت اكيد فى مصر

لما رجل الأعمال نجيب ساويرس يطلع علي قناة أون تي في و يقول و المصحف
لما تلاقي واحد واقف الساعه7 الصبح بينظم المرور و مش مستني في المقابل حاجه
لما حمادة هلال بيحضر اغنية شهداء زلزال اليابان
لما بنات العمارة الصغيرين يطلعولك ويقولولك حنجيبلك لوحة ونعمل ع كل لوحة صورة شهيد واسمه واستشهد ازاي, ونحط في كل دور لوحة
لما نجم الجيل في هذه اللحظة العظيمة من تاريخ مصر, بقي عصام شرف مش تامر حسني
لما يبقي يوم الجمعة أوله ترانيم و بعد كدا صلاة جمعة و بعدها أغاني وطنية و كله في مكان واحد
لما رئيس وزراء دولة يصلي جنبك في التحرير ع الرصيف

لما تلاقي بنتك عايزة تسرح شعرها زي البنت الشهيدة بدل هانامونتانا
لما ميدان يضم أسمي وأجمل أخلاق كلنا فيه مسلم ومسيحي ايد واحدة
لما تسمع واحد في الشارع بيقول تعدي أول دبابة تاني دبابة تالت دبابة تدخل يمين في شمال
لما هدايا عيد الأم هذا العام.. سبراي سلف ديفنس.. ساعق كهربائي.. مسدس صوت.. إشتراك سنة كونج فو
لما تلاقي مسيحي بيزعق االله اكبر عشان اللي ورا ومش سامع الإمام المسلم يسمع
لما أبوك يقولك كفاية نت بقي هفصله عنك ترد تقوله إنت عارف آخر واحد عملها عملنا فيه إيه
لما الناس لسه لاقية تاكل في بلد بتتنهب بقالها 30 سنة
لما ابوك يسيب اخبار التلفزيون ويجي يقولك شوفلي الناس بتعمل ايه علي تويتر
لما أكون زمان كانت عندي القدرة إني اتفرج علي تلت ولا أربع ماتشات كورة ورا بعض و مزهقش.. و دلوقتي ازهق من شوط واحد
لما تكون بايت في الميدان والدنيا بتمطر فتنام تحت الدبابة
لما الجيش يبعت لك مسجات أكتر من خطيبتك
لما الإخوان المسلمين يجتمعوا بالمجلس العسكري وأمن الدولة يصبح تنظيم محظور
لما أهلك يفتخروا بيك قدام الناس ويقولوا دا مش بيقوم من عالفيس بوك... بعد ما كانوا بيقولوا دا مش بيقوم من عالكتاب
لما العالم كله هيتابع السباق الرئاسي كأنه انتخابات امريكا
لما تلاقي 80 مليون سياسي و 80 مليون محامي و 80 مليون ناقد و 80 مليون مدير فني 80 مليون حكم و 80 مليون محلل 80 مليون عالم دين في وقت واحد.

يبقى انت اكيد فى مصر