الأســـكــنــدريــة

الأسكندرية اجمل مدن الجمهورية كلها و احلي شواطيء البلد كلها من مشرقها لمغربها و التي استحقت معها اسمعها عروس البحر الابيض المتوسط مدينة الاسكندر التي عشقها لدرجة انها اعطاها اسمة استحوزت علي قلب و عقل الرومان مما جعل بها اكثر مدن العالم اثار للرومان بعد ايطاليا نفسها مدينة الفنار و مكتبة الاسكندرية القديمة والحديثة

بعد ان انتهي عهد المستشار/الجوسقي و اسقلالها منة و حضر اليها طيب الذكر اللواء/عبد السلام المحجوب و الذي جملها و طورها و انهي مشروع الكورنيش لكي تستطيع الان ان تطلع من بيتكم متوجها للمنتزة او المعمورة او حتي محطة الرمل و المنشية في 15 دقيقة بعد ان كنت تاخد في السكة حوالي من ساعة الي ساعتين

و بعد انة كان سفر ان تطلع الساحل او برج العرب او مطار البرج فاصبح الطريق الدائري في 15 دقيقة يربطك باي مكان مما سبق و في زمن قياسي

و المذكور بعالية رفض التوقيع علي ورقة معينة لمن يهمة الامر و هو ببساطة شديدة نقل مستشفي الشاطبي من مكانة و هدها لكي تطلع مكانها فندق سياحي لا يشوة منظرة منظر المكتبة الحديثة و لهذا الموضوع قصة طويلة سوف نحكيها لاحقا فكل منهم لة اسبابة و كل منهم من وجهة نظري صح الصح مع الاختلاف في طريقة توصيل و تطبيق وجهة نظرة

المهم بجرة قلم الراجل اتنقل و طبعا لانة المحجوب المحبوب ركنوة كوزير لوزارة مالهاش شغل خوفا من ان يقلبوا الناس عليهم و بلو الاسكندرية باللواء / عادل لبيب و الذي بمنتهي البساطة قرر ان يدمرها و يقلب علي اهلها المواجع و يرجع اثار عدوان بورسعيد عليها من جديد لا ننكر ان البلد مليانة بالاسكندرية بعض الاشغالات و بعض الاخطاء و لاكن من سمح بيها

و لو كنتم استلمتم المحافظة من سابقكم و حزينتها مليانة فلوس للدرجة انكم بتغيروا الرصفان في البلد كلها و بتبلطوا شوارع المدينة كلها طيب ما كنتم ابتديتم من البنية الاساسية و كذلك الناس الغلابة الي لما المياة بتاعت الصرف بتضرب عندهم المية بتخش العشش الي عما عايشين فيها كعزبة المطار و عزبة سعد و الي اخرة

و لو كان معاكم قرشين محيرينكم فبدل ما كنتم تشتروا بية حمام و تطيروة و تغيروا الرصفان و البلاط كنتم عملتلكم كام مشروع لميتوا فية الخرجين و الخريجات و شغلتوهم بدل ما اسطبحوا موش لاقين شغل لدرجة اني لما عملت اعلان طلب دادة للواد نيمو جالي فية خريجات كلية اداب و حقوق

دة بقي ناهيكم عن ان القرار الجديد الي حيطلعة البية اللواء الوزير بعدم ركن اي سيارة علي رصيف طريق الزعيم جمال عبد الناصر الي هو اسمة بقي شارع ابوقير من اول ميدان الزهور الي نهاية سور المنتزة يعني محدش قالكم تسكنوا في عمارات مالهاش جراجات او محدش قالكم تشتروا عربيات من اساسها

عزيزي المحافظ البلد فعلا محتاجة ربط و زبط بس لازم توفر البديل قبل ان تطبق القرارت و لا هي اي عنترية و السلام

طب حضرتك حتركن فين و لا علشان انت و الضباط الشرطة و الجيش و النيابة و القضاء مالكمش في المخالفات فموش فارقة معاكم القرارات الي بتكتبوها و بتطبقوها علي الناس

ياريت سيادة المحافظ تدخلنا بطن مدينتنا تاني و بسرعة علشان خلاص كرشها بقي برة و بصراحة ما بقاش فية شغالين زي زمان و لا احنا عندنا شركات نظافة و لا عساكر مراسلة زي الي عندكم تنظفلنا بيوتنا من تراب و اسمنت الشوارع الي حضرتكم تفضلتم و بلتونا بيها

و ياريت حضرتك تكون عارف ثمن سعر طوب البازالت الي شلتوة دة كام مقياسا بالرصيف الاسمنتي الي حتطوة مكانة

و لو حضرتك عارف يبقي يعني عاوزين حقنا في السبوة دي يا باشا و تنة عامر