Happy Birthday
عيد ميلاد سعيد
اليوم هو عيد ميلاد صديق عمر ليا
صديقي العزيز ابو
نور و اكرم
المسمي فارس قديم
lastknight1964
كل سنة و انت طيب و عقبال مائة عام من الصحة و ربنا يديك العمر علي قد الصحة و
يباركلك في اولادك و تعيش
لغاية ما تشوفهم في احسن حال و تطمن عليهم و يشفيلك
و يقوملك بالسلامة (طنط علاء ) ست الحبايب يارب
ياسر عوف
posted by yasser_auf at 5:43 PM
16 Comments:
كل سنة و صديقك طيب دة عيد ميلادة بجد و لا زي يوم ما كنت مزنوق و عملتلة عيد ميلاد وهمي علشان كنت مزنوق في هدية لعيد ميلاد صديقتك يا ندل
صديقك : وائل نور
أخى الحبيب أبو محمود
و انت بألف صحه وسلامه .. و بيتك عامر دايما بمحمود و ام محمود .. و فعلا باشعر بالغربه و انا بعيد عن اسكندريه رغم أنها مش بلدى الأصليه .. لكن سألوا جحا بلدك فين قال اللى حبايبى فيها ..
و يعنى بأيمان أهلك مالقيتش غير الصوره دى تحطها على عيد ميلادى ؟؟ لازم الفضايح ؟؟
عموما ربنا يسهل الأمور و اجيلك قريب .. و القزازه من عندى يا سيدى و لا يهمك
أخى الحبيب أبو محمود
و انت بألف صحه وسلامه .. و بيتك عامر دايما بمحمود و ام محمود .. و فعلا باشعر بالغربه و انا بعيد عن اسكندريه رغم أنها مش بلدى الأصليه .. لكن سألوا جحا بلدك فين قال اللى حبايبى فيها ..
و يعنى بأيمان أهلك مالقيتش غير الصوره دى تحطها على عيد ميلادى ؟؟ لازم الفضايح ؟؟
عموما ربنا يسهل الأمور و اجيلك قريب .. و القزازه من عندى يا سيدى و لا يهمك
عزيزي فارس ... يعني موش تبوس ايدك وش و ظهر اني افتكرت عيد ميلادك و خصصتلك من وقتي و صفحتي قطعة اهنئك بيها اظن دي ما اتعملتلكش قبل كدة عيد ميلاد بتهنئة علي الهواء و النت يعني عيد ميلاد عالمي يعني موش حارمك من حاجة اهوة ... ضارب بقي علي الساعة لية و موش عاوز تجيبها ... و لا هي علشان ساعتك
و بعدين اية الي موش عاجبك بالصورة الي حاتطهالك .... فضائح اية دي نبذة عن الهدايا الي ممكن اقبلها عنك في عيد ميلادك و بعدين يعني بزمتك كدة احطلك انت يوم عيد ميلادك اية ... سجادة صلاة و لا صورة شيخ الازهر و مفتي الجمهورية يعني ... مشيها ازازة بدل ما كنت حتطهالك دخان و اقلبك من مائي لهوائي
و كل سنة و انت طيب و ان شاء الله السنة الجاية كدة ربنا يكرمك زي ما كرم سليمان الحلبي
وائل وائل يا ابني بطل بقي عيب السياح دة ما كانش مقلب بقي الي عملتة فية دة بتاع التورتة و بعدين يعني هو انا اوريلك هو كان كاتب اية عن زكرياتنا سوا تسيحلي بية
عموما يا سيدي شكرا لمتابعة البلوج عندي و سلامك و معايدتك لفارس اكيد هو قرائها خلاص يعني لخص و ما تقلقش ححطك في جروب الازازة الي بيتكلم عنها دي اصلة بيقولي عليها من ايام ما كانت ماما بضفاير و بابا لسة بشورت و لم يوفي بيها بعد
غالبا لازم اطلع بيها من حباب عنية كالعادة سرقة يعني منة
تحياتي و انتظرك الخميس القادم ذي ما اتفقنا
السادة الاصدقاء نظرا لان الاخ الفضحي وائل فتح موضوع يمكن ما ما يكونش فية حد علي النت ما قرائهوش من اساسة ( لان حسب ظني طوب الارض قرائة خلاص و عم فارس فضحني خلاص لان حرمي ام محمود سيحتلي بية ) و هو عن زكرياتي مع فارس و مقالبي الي عملتها فية عن عيد ميلادة
و بقلم فارس شخصيا
http://lastknight1964.blogspot.com/2006/11/blog-post_06.html
كبسه :
قبل زواجى عشت فتره فى الأسكندريه أعمل فى أحد البنوك .. و كانت شقتى فى مصطفى كامل بينما يقطن ياسر فى بيت العائله فى رشدى .. مسافه قريبه تفصل بين بيتينا .. و طبعا لأننا كنا عزاب فالحياه كانت بزرميط .. بمعنى أنى لا أعرف كم نسخه من مفتاح شقتى موجوده مع الأصدقاء و الصديقات .. كنت أعمل بجديه شديده و أعود ألى بيتى مساء لأجده عادة نظيفا مرتبا , بل و أجد بعض الطعام الطازج فيه , و أحيانا ما أقابل بعض الأصدقاء الذين واعتدتهم و نسيت .. المهم
فى أحد الأيام أعود لبيتى لأجد فيه ثلاثة تورتات كبيره .. أى و الله أحداهم من لابوار القاهره حيث لم يكن لابورا افتتح فرعه فى الأسكندريه بعد .. ولا أجد أحد فى المنزل
ياسلااااااام .. يرزق من يشاء بغير حساب و الله ..
لا أتسائل كثيرا فقد اعتدت على مثل هذه الأشياء فى شقة العزوبيه .. و أدخل لأخذ حمامى و أغير ملابسى لأجد ياسر يدخل بمفتاحه من الباب زاعقا : قولى هى التورته جت ؟
أرد من الحمام : و الله ياخويا فيه تلات تورتات بره ... مش عارف قصدك على أيه .. ألا قولى يا ياسر .. التورتات دى بتاعة أيه ؟
يرد من المطبخ : لا ماتشغلش بالك انت مافيش حاجه
و أسمع صوت الباب معلنا عن انصرافه .. عادى .. أدخل حجرتى لأنام قليلا , و بعد نحو ساعه أصحو على صوت طرقات مرحه مزعجه على الباب .. أفتح الباب و أنا بالبيجاما و عيونى شبه مغمضه لأجد أمة لا أله ألا الله على الباب .. أصدقاء و صديقات مرتدين أفضل ما لديهم .. و يهللون بصوت واحد هابى بيرثداى تو يو .. هاهاهاهاهه
و يدفعونى داخلين و أنا مستسلم تماما غير فاهم لأى شىء .. فورا يدور الأستيريو و يبدأ الرقص و الأحتفال .. و أنا بينهم مش فاهم حاجه ..
يحضروا من المطبخ تورتايتين .. و يشعلوا شمع و يغنوا لى عيد ميلاد سعيد .. و أغنى معهم .. و أتلقى الهدايا و التهانى .. و انا مش فاهم حاجه ..
ينصرف الجميع حوالى منتصف الليل .. و انا مازلت بالبيجاما .. و مش فاهم حاجه برضه .. فعيد ميلادى فى يناير .. بينما ماحدث كان تقريبا فى أكتوبر .. هو فيه أيه ؟
ساعه أو أكثر و يحضر ياسر ألى بيتى .. أثار السعاده و ألأرهاق باديه عليه .. و تفوح من ملابسه رائحة برفان حريمى زاعق .. يدخل بدون سلام ليحصل على قطعة تورته متبقيه من الحفل و يجلس أمامى مسترخيا يأكلها ..
هو أيه اللى حصل بقى ؟ ( أسأله قبل أن أنفجر فى وجهه أو ألقيه من البلكونه ) يرد و هو يمضغ التورته .. همفففممفمفف
أخطف التورته من أمامه و أنذره مهددا .. أنت ياتقولى أيه اللى حصل النهارده يا هاتبقى وقعة أهلك زفت
و يحكيلى .. ببساطه الأستاذ كان على علاقه حميمه بفتاه , و تصادف عيد ميلادها اليوم .. و اكتشف أنه مفلس ولا يستطيع شراء هديه لها .. هداه تفكيره أن ينشر أشاعه بين الأصدقاء و الصديقات أن عيد ميلادى أنا اليوم .. و أنى أنا المفلس ( شوفوا البجاحه ) و لذلك أنا مكتئب و لن أحتفل بعيد ميلادى .. طبعا يهب جميع الجدعان و الجدعات يأتون من كل فج عميق .. من القاهره و الأسكندريه و خلافه .. يصلوا ألى الأسكندريه صباحا محملين بما يلزم للأحتفال .. يدخلهم ياسر و خالد و حازم أصدقائى ألى بيتى و يتلقون منهم ماجاؤا به .. ثم يقوموا بتوزيعهم على بيوت الأصدقاء للغداء و الأستعداد للأحتفال , و يضربون لهم موعد فى بيتى مساء .. و انا ماعرفش حاجه خااالص .. شوفوا بكاسة العين ..
و ليحضر ياسر ألى بيتى عصرا .. و يهبش أكبر و أغلى تورته فيهم و يذهب بها ألى صديقته مقنعا اياها أنه سافر للقاهره بطائره خاصه ليحضر لها تورته من لابوار .. و أنه نزل من مطار النزهه ألى بيتها مباشرة ( شوفوا ابن الكدابه ) و طبعا يتلقى مكافأته الحميمه , بينما يتركنى أنا لاستضافة عشرين صديق و صديقه يبرطعون فى بيتى و يأتون على مخزون الطعام و الشراب فيه و يتركوه كالآثار القديمه بعد الزلازل .
كل سنه و صديقك بخير
so It's birthday time then :)
To my dear friend.. Last Knight..I wish you a happy Birthday insha ALlah..and a long prosperous life..full of joy and happiness..!!
Yasser..Thank you for visiting my blog..and your kind wishes as well :)
سؤال
هو ايه البتاعة الاصفرة دي
هه ايه هه هههههه
ماشي يا سيدي هنايالك
:))
طبعا أحلي صورة انت حطيطها، ع العموم أنا عيد ميلادي قرب، حط الصور اللى تعجبك، كمان يا ريت حبت صور للمزز، معنديش اي مانع براحتك بلوجك وانت حر فيه، حضر نفسك عيد ميلادي يوم 22يناير، يلا فكر ف البوست بتاعي من دلوقتى،
بخصوص الازازة أنا أول ما شفتها جت ف بالي سعاد حسنى، وهي بتغني بانشكاح : انا عايزة من دا يا حزنبول انا عايزة من دا...
ثم خلاص يا سي فارس مالها يعني الصورة، صحيح تلاكيك!!!
يا سيدي خلاص هتهالي انت بس مليانة وملكش دعوة، النبي وكل الاوليا قبلوا الهدية.
سلام بقي احسن فيها رفت
randa
tyb momken kas men el ezaza de bas ew3a yakon monkar
sana sa3eda
الفاضل / ذو النون المصري
ربنا يخليك و كل سنة و انت بخير و طيب انت و كل من يهمك امرهم و سنة 2007 يارب تكون سنة خير عليك و عليهم
زيارتك اسعتدتني و تعليقك كذلك
Dear Apitah :
yes its birthday time ... send yr gift...i accept Gold & Dinamds only
امال الي في الازازة فمالكيش دعوة بية دي بتاعتي انا بس يعني لو عاوزة تدوقي اتفضلي بس هاتي كبايتك معاكي lollll
ست الكل و ست المزز كلها زنزانة هانم : يوم 22 يناير دة لازم نعملة عيد وطني و اكيد موش حنسي التاريخ و لا حنسي ارسال المعايدة و الهدية كمان ومن دلوقتي حضورلك علي صورة حلوة لبوست عيد ميلادك
بس انتي بقي ارسيلك علي حل عاوزة الازازة و لا عاوزة البن " القهوة " بقيلك واحدة من الاتنين ما تبقيش طماعة ملحوظة : لو نقيتي واحدة منهم تبقي دي هدية عيد ميلادك و لا انتي داخلة علي طمع بقي
Dear bastokka
يا فندم كاس واحد بس دة حتي يتقال عليا بخيل دة احنا نخمس فيها بوق بوق
و بعدين مين قال عنها منكر دي منكر
الا يعني اية منكر الاول
سنة سعيدة
الاستاذ ياسر
كل سنة و فارس بخير و كل سنة و انت صديقه و صاحبه يا رب
يا بخته بيك و بدي صداقة
بالنسبة للازازة فاي حاجة لاتينو بتبقى حلوة و اسالو مجرب
:')
ممكن شوية؟؟؟ينوبك ثواب
باي
لا حول ولا قوه إلا بالله
يعني أول مره اجي ازورك في المدونه ألاقي الفارس الأخير في وشي برضه
يلا نصيبي كده
عموما يا سيدي ربنا يخليكوا لبعض ويديم المحبه وعلي فكره الواد الفارس ده بيحبك بجد
ربنا يخليكوا لبعض
سلام يا زعيم
حفصوتشا ام مصطفيش هانم
كل سنة و حضرتك طيبة و يا ريت و النبي بلاش استاذ دي مشيها ياسر ... اية رائيك بقي في اللاتينو موش بزمتك يدل علي زوق عالي... و بق اية يا فندم دة انتي ليكي الازازة كلها هي عند فارس صحيح و هي هدية عيد ميلادة برضة بس موش مهم هو كفاية علية اننا افتكرناة و هي حتروح لاعز و لا اغلي منك ....و تبقي الغالي للغالية بس امانة عليكي بعد ما تخلصيها تدشنيها علي دماغة ... ربنا يخليكي ليا و ما يحرمنيش منك ابدا
علاء الدين : باشا امير الصاحفة المصرية
يعني انا لو كنت اعرف انك حتخش عندي تضرب بصة كنت فرشت الكمبيوتر و البلوج رملة اسواني برائحة العطر و المسك و كنت شيلتلك عم فارس من البلوج خالص مالص ....زيارتك شرفتني ... اما بخصوص ان صحبك بيحبني فطبعا ما انت عارف انا محديش يقدر ما يحبنيش اصلي ادمان و بعدين بيني و بينك بقي ما هو من الي بعملة فية ما قدمهوش غير حالين يا يقتلني و ياخد فيا اعدام ... يا يحبني زي ما انا كدة و اهو اسباب في الدنيا تشيل عنة من ذنوب الاخرة
خلاص يا ياسر بما انى بت عيارها فلت على راى كتير من الناس انا اختار الازازة، طبعا
انت فاكرنى هبلة عشان اخد البن، انا ممكن يوصلنى شولة بن من البرازيل نفسها، وكمان هندوراس (في واحد صاحبي ساكن اول يمين فى الشارع الكبير بالعاصمة)
شكرا على العيد القومي...
أسوء حاجة فيك يا ابن خالتى بعض اصحابك...ربنا يتوب عليك منهم ومن الازازة.
الا قولى يا ياسر مراتك بتدخل البلوج ده؟! أصل بصراحة ناوية اديلها العنوان...وبجد بأة ناوية انشره على العيلة كلها...يلا بأة...انت ايه اللى خبط فى نفوخك وبعتلى دعوة؟!
بت خالتك
Post a Comment
<< Home