تــاريــخـــيــة



لم اكرة كلمة في القاموس العربي كما كرهت هذة الكلمة .... كل ما تفتح صفحة في جرنال مصري من صحف الدولة تلاقي فية تاريخية
بمعني : الزيارة التاريخية للسيد الرئيس مع قرينة فلان العلاني
القرار التاريخي للسيد الرئيس بمناسبة كذا و كذا
الافتتاح التاريخي لكبوري او مكتبة او اي هباب اسود علي دماغ 74 مليون زفت
الحدث التاريخي للوزير العلاني
القرار التاريخي لاي من مجلسي الشعب / الشوري ..
القرار التاريخي لوزير الداخلية بتحول الضابط ... الي محاكمة ...
حتي يا راجل او يا ست الماتش التاريخي لنادي كذا مع نادي كوزا

هو فية اية دة انتوا بوظتوا التاريخ هو اي حاجة بقيت تاريخية امال صلاح الدين و لا الفاطمين و لا الثورة الفرنسية او الشيوعية او اي حاجة عدي عليها قرن او قرنين تبقي اية ... العصر البائد و لا العصر الحجري / العصر الجليدي و لا يمكن ما قبل التاريخ
ما قبل التاريخ الي انتوا وقفتوا عندة

انا افهم في التحف و اعزها ذي عنيا اعرف ان ما عدي علية 100 سنة بيبتدي يبقي لة تاريخ او جذور من الماضي
و لاكن عندنا بقي وصل الرياء و الكذب و الضحك علي الذقون و المحلسة لذوي الامر الي اننا علي وشك تغير معني كلمة تــاريــخ ... حنخليها من حاجة حصلت في الماضي ... الي حاجة بتحصل دلوقتي ... زي بالظبط ما تلاقي عسكري مرور او امين شرطة او حتي ضابط صغير
و يعمل عمل عظيم ... و يجي التليفزيون يسالة تلاقية و قبل سماع السؤال ... حسب توجيهات السيد / الوزير و حسب تعليمات السيد / المامور .... مرورا بالسيد / غفير بيت الوزير نفزنا التعليمات باني اكون مثلا : رجل امين ... اية الهبل و العبط الي بقيني فية دة
بقي كلة بيتمحلس لكلة .. ما بقاش فينا حد بيعرف يعمل شغلة الا لما تجيلة التوجيهات او حسب التوجيهات ... طيب لزمة المسؤلين / المدرين / الموظفين اية ... ما كفاية علينا الوزراء الي بيوجهوكم و كفاية علي الوزراء . رئيس الوزراء الي بيوجهم و بلاش باقي ال 74 مليون نروح احنا بقي في دولة معروضة للايجار قانون جديد

حتوصلونا لفين بريأكم وضحكم علي الذقون خلاص حلقناها .... و الي ما حلقاهاش بمزاجة نتفتوهالة انتوا .. عيب دة انتم المفروض مراية للناس .... انتوا فعلا تبوظوا اي مسؤل او اي مدير ذي بالظبط ما بوظتوا امة بكاملها من بث سمومكم الي هي لا تقل خطورة عن الهيروين و البانجو و الحشيش
علي الناس ....
بوظتوا الاطفال بالمدارس لما يقرواء الي بتكتبوة بتساعدة علي انشاء جيل معدوم الشخصية جبان ووصولي و محلسجي غيرتوا بكرة بتاعهم لما الي بيحصل دة تاريخي امال الي بيدرسوة دة اية و بكرة بتاعهم دة اية .....
فضلا رائفة بنا و بعقولنا و بالناس الغلابة الي علي نياتها و مع الاسف بتصدقكم غيرتم معاير فكر الناس و لغبطوهم و المقابل ... كرسي قاعدين علية و عاوزين تفضلوا قاعدين علية .... بس خلي بالكم الكرسي دة علي بلية دوارة ... يمين جوة المكتب ... شمال ... شلوت و برة و اخرك معانا جلبية بيضاء لزوم الجلوس علي قهوة المعاشات ... و الطاولة ... لزوم التسلية في ما تبقي لك من عمر

و محدش يفكر يضحك علينا مسبقا و يقول ان المقصود بيها ان التاريخ سوف يسجلها انتوا و احنا عارفين ان موش دة المقصود