الـغـــش مـســتــــمـــرا
مسلسل الغش التجاري للمستهلك او للشعب
مازال مستمرا كما لو كان الغشاش بينتقم من اهل بلدة ووطنة غير عابئا
بصحتهم او بفلوسهم كما لو كانوا من التتار او من اليهود
و اخر صيحة في الغش التجاري هو غش عصير المانجو
فئغلب محلات العصير في الصيف تقدم احلي عصير مانجو مغشوش
و مكونات غشة سهلة و بسيطة و برخص التراب لو اتقارنت بثمن كيس الملح
و لله الحمد هي حاجات لا بتسرطن و لا بتموت و يمكن كمان قيمتها الغذائية اعلي من المانجو و لاكنها غش
فالحاجة ام قرشين بيبيعوها باكتر من 3 جنية و ساعات 2 جنية
عموما مقادير ضرب او غش المانجو بسيطة جدا فهم يخلطوها اما بقرع العسل او بالبطاطا المطهوة
و ذلك طبعا علشان لب او قلب كل من قرع العسل و البطاطا ليهم نفس لون المانجو من الداخل
مع اضافة شوية مكسبات طعم علي شوية ايسنس علشان الريحة
و اشرب بالشفا و ياخسارة فلوسك يا عم المواطن
posted by yasser_auf at 4:13 PM
8 Comments:
حتى العصير؟؟!!!!!!!!!طيب الواحد يعمل ايه
نرمي نفسنا في البحر و لا نموت و لا ايه بالظبط
سلام
ههههههههه
و انت ايش عرفك المعلومة الخطيرة دي
انت سبت الحلاقة و فتحت محل عصير؟
انا اعرف واحد في روكسي اسمه حيدر تشرب منه اجدع شوب عصير في المعمورة
و اللي يغش
يجيب مجموع
تحياتي
يا خبر اسود
طب دا وانا مسافر واحد طلب مني جيركن منجا
علشان بيحبها اوي من عندنا
يبقى كده شربها
الحمد لله انا ماليش فيها
انا بحب الجوافة
ياريت يكون الغش في عصير المانجو بس اللي شكلك مدمنه، لكن الغش أصبح في كل شيء بدء من الأبرة إلى الصاروخ.
ده حتى الغش وصل لمشاعر الناس.
حكمة اليوم وأمس وغدا الغش ما أكثره والثقة ما أندرها.
ازيك يا ياسر ايه يا سيدى الغش الجماعى ده المهم قوللى فين المحل اللى بيغش كدة ... بصراحة ياياسر الواحد مبقاش عنده ثقة فى حاجة ابدا والضمير خلاص غاب عن كتير من الناس مش متخيلين ان ممكن اخته او امه او اى حد من اهله يدوق من السم اللى بيبيعه للناس ؟؟ وللا حيفكر ليه المهم عنده المكسب اللى بالسم الهارى
يا نهار بلاك
طيب و الجوافة بيغشوها اية؟؟
قولي علشان انا بحبها سو ماتش
اوروفوار
انا مش عارفه يا باشمهندس الكلام ده بجد ولا هزار.. عموما لسه شويه علي موسم المانجه الناس هتكفيكو مانجه منين يعني؟؟
عموما ماتقلقش قرع العسل مفيد جدا صحيا وطبيا وكمان غالي مش رخيص.. المشكله في البطاطا أنها بتتخن
ولو هانتكلم جد كل حاجه دلوقت باشتريها باحس اني مضروبه علي قفايه مش عارفه ليه يمكن الأسعار اللي بتتضاعف كل شوية مخلياني مستقليه الحاجات مقابل الفلوس اللي بأدفعها ..ده حتي الطحينه كمان مغشوشه بدقيق وحاجه تقرف .. انا بحبها ومتضايقه جدا من الموضوع ده
هو الغش مش جديد . . بس موضوع المانجو ده فعلاً اول مره اسمعه من حضرتك
حسبنا الله ونعم الوكيل
Post a Comment
<< Home