رفـقـا بأبناء الاسكندرية

لا اعرف السبب في هذة الظاهرة الجديدة و الدخيلة علينا كمصريين !!! و التي تتمثل في القسوة و الاهمال الجسيم الذي اصبحنا نتعامل بهما مع اطفالنا ... و لما بنقول اطفالنا فدة موش معناه ابني و ابنك و ابن الجيران و الاقارب و المعارف و بس

لا المقصود كل اطفالنا ما ابنك اكيد موش في معزة ابني و لا ابنك في معزة القارء و لاكن عموما الواحد لما بيشوف عيل متوجع او متئالم او لقيط او متبهدل واقع تحت ظلم الظروف الاجتماعية الصعبة تحت سطوة الفقر و اباطرة اطفال الشوارع بيصعب علية العيل و بيحضن ابنة او بنتة و بيقول الحمد الله حتي لو كان لسة طالع من الخمارة و لسة ما فقش

اظن ان الماديات اغتالت احسيسنا و مشاعرنا و لم تعد قلوبنا تحن لنظرات الصغار البريئة و ضحكاتهم اللي من القلب انها بلوة و مأساة و قمة المأساة ان هذا التبلد عدانا ووصل لمن نسميهم ملائكة الرحمة من الاطباء و الممرضات داخل المستشفيات العامة مستشفيات الغلابة و يدفع الابرياء الصغار ثمن غلطات و جحود قلب هولاء دون اي ذنب ليهم و دون اي عقاب رادع للجناة

اولا : في مستشفي الشاطبي و الذي يضم قسم للاطفال المبسترين حوالي 93 طفلا يرقدون داخل الحضانات تحت رعاية غذائية و علاجية لانهم بيكونوا مولودين ناقصي النمو و فجاءة ماس كهربائي ....اشتعلت النيران و ملائت الادخنة القسم و اختنق 13 طفل

و طبعا الماس الكهربائي في مصر يعني قداء الله و يعني هو عاوز كدة محدش لية يد فيها و طبعا محدش اتلهف و لو بالقلم علي خلقة اللي جابوة .... موش بقي حد يسئل مين الاستشاري اللي استلم الكهرباء من مقاول التركيب فين مدير الصيانة للمستشفي اللي المفروض بيكتب تقارير سنوية او نصف سنوية عن صحة و سلامة الكبلات و الاجهزة الي اخرة ....يخ مافيش مبروك كلة برائة اصل طلع ماس كهربائي موش بفعل فاعل و لا اهمال .... هو فية اهمال اكتر من كدة

ثانيا : منذ حوالي شهر ظبطت احدي ممرضات مستشفي حكومي للاطفال بحقن 14 طفل بحقنة او سرنجة واحدة مما ادي اللي اصابتهم بعدة امراض و ثار الراءي العام و هاج و الدنيا اتقلبت " كعادة المصرين و بعدين بخ نزلوا علي مافيش " و طالب الجميع بمحاكمة الممرضة موش محاكمة معاها من هو مسؤل عن عدم وجود حقن في المستشفي لكي تضطر هي لاعطاء 14 عيل بحقنة واحدة دة اي حيوان من الي اسمة دكتور لو كان طلع 25 قرش *14 حقنة = 3.5جنية و نصف من جيبة الخاص اقل بكثر موش من واحد في الالف من فيزيتة عيادتة لا اقل بكثر مم يعطية لمنادي المستشفي ذاتها لركن السيارة او لغسيلها و طبعا للمداراة علي خطء كل من : من اول المدير الي هو بيبقي ستاف جامعة الي مسؤلي المشتريات و التوريدات في كل من المستشفي و في كل من ادارة المستشفيات لانة علي درجة وكيل وزارة عادت الممرضة لعملها و كان شيء لم يحدث و قبل ما الناس تنسي .....

ثالثا: و قبل ما الناس تنسي الموضوع دة و قبل ان تجف دموع تماسيح كل من هل علينا من شاشة التليفزيون و هو متاثر و قلبة بيتقطع علي العيال " لانجاح برنامجة لا اكثر و لا اقل " الراجل بياخد في الحلقة 7 الاف جنية بدل ما كان يتبرع بتمن حلقة لا لية هما عيالة من عن ابوهم

حدث الاسبوع الماضي بقي تعرض 7 اطفال في قسم السكر بمستشفي طلبة الاسكندرية الي الاصابة بفيروس سي نتيجة اخذهم جرعات انسولين من انبول واحد ملوث بالفيروس و ايضا هاجت الدنيا بين مصدق و مكذب و محدش سئل سؤال عبيط ازاي الانسولين اصلا ملوث هو جاي كدة و لا ال7 عيال اخدوة من حقنة واحدة برضة و لا اية بالظبط

الدعاء علي عيال الناس حرام ... يعني قلبي موش مطاوعني ادعي علي عيالهم بان ربنا يبتليهم بالمرض زي ما اهملهم بلا ولاد الغلابة بالمرض و كفاية عليهم ان متحجري القلوب دول ابهاتهم و امهاتهم و خالتهم و عماتهم

و حسبي الله و نعم الوكيل فيكم يا شياطين الرحمة